អន្តរជាតិ: សត្វស្វាអ៊ូហ្គូតាន (Orangutan)ដែលត្រូវបានចុះបញ្ជីជាសត្វដែលជិតផុតពូជ បានធ្វើអោយអ្នកទេសចរនិងអ្នកអភិរក្សនៅភាគខាងត្បូងប្រទេសអេស្ប៉ាញមានការភ្ញាក់ផ្អើលយ៉ាងខ្លាំង ដោយសារតែការចាប់កំណើតរបស់សត្វស្វាប្រភេទនេះ។ Bioparc Fuengirola បាននិយាយថាកូនស្វាអ៊ូហ្គូតាន (Orangutan)ដែលមានអាយុទើបតែ ១១ ថ្ងៃប៉ុណ្ណោះបានក្លាយជារតនភណ្ឌតូចមួយសម្រាប់ការអភិរក្ស។ កូនស្វាអ៊ូហ្គូតាន (Orangutan)មួយនេះបានកើតនៅថ្ងៃទី ៤ ខែសីហា។ មេរបស់កូនស្វានេះឈ្មោះស៊ូលីនិងភីក។ នេះជាការបង្កាត់ពូជជោគជ័យលើកទី ២ របស់ស៊ូលីនៅសួនសត្វនិងជាសត្វស្វាអ៊ូហ្គង់តានដំបូងនៅអឺរ៉ុបក្នុងរយៈពេលជាងមួយឆ្នាំនេះ។

ចំនួននៃសត្វស្វា Bornean Orangutans បានធ្លាក់ចុះជាង ៥០% ក្នុងរយៈពេល ៦០ ឆ្នាំចុងក្រោយនេះ។ ការកាប់បំផ្លាញព្រៃឈើនៅលើកោះប័រណេអូ (Borneo)បានបំផ្លាញជម្រកធម្មជាតិរបស់សត្វស្វាជាច្រើនដែលជាហេតុធ្វើឱ្យការបង្កាត់ពូជមានសារៈសំខាន់ចំពោះការរស់រានរបស់សត្វប្រភេទនេះ៕